მეცნიერება და ტექნოლოგია

VO₂ max ტესტირება ზუსტად განსაზღვრავს, რამდენად ეფექტურად იყენებს თქვენი სხეული ჟანგბადს მოსვენების და ასევე ფიზიკური დატვირთვის დროს — ეს წარმოადგენს გულ-სისხლძარღვთა სისტემის, მიტოქონდრიული ჯანმრთელობის, მეტაბოლური ეფექტურობისა და ხანგრძლივი სიცოცხლის პოტენციალის ერთ-ერთ მთავარ მაჩვენებელს.

მოწინავე სუნთქვის ანალიზის ტექნოლოგიის გამოყენებით, ჩვენ რეალურ დროში ვაფასებთ, როგორ მუშაობს ერთად თქვენი გული, ფილტვები, კუნთები და მეტაბოლიზმი.

VO₂ max ტესტირება უზრუნველყოფს სრულყოფილ ანალიზს იმისა, თუ როგორ წარმოქმნის თქვენი სხეული ენერგიას, იყენებს ჟანგბადს და რეაგირებს ფიზიკურ დატვირთვაზე რეალურ დროში. ის იძლევა ზუსტ ინფორმაციას გულ-სისხლძარღვთა სისტემის ფუნქციონირების, მეტაბოლური ჯანმრთელობის, გამძლეობის და საერთო ფიზიოლოგიური მდგრადობის შესახებ.

ტექნოლოგია იყენებს მოწინავე, არაინვაზიურ სუნთქვის ანალიზს, რომელიც რეალურ დროში აღიქვამს თქვენი ორგანიზმის სრულ ფიზიოლოგიურ პასუხს დატვირთვაზე.

შეფასების პროცესში ხდება 23 ბიომარკერის განსაზღვრა , მათ შორის:

• ჟანგბადის მოხმარების ზუსტი ანალიზი (VO₂)
• ნახშირორჟანგის დინამიკის შეფასება (VCO₂)
• მეტაბოლური მოქნილობის განსაზღვრა
• ენერგიის წარმოების ეფექტურობის გაზომვა
  

ტესტი ტარდება კონტროლირებულ გარემოში, როგორც მოსვენების , ასევე მსუბუქი ფიზიკური დატვირთვის პირობებში — სარბენ ბილიკზე ან ველოსიპედზე, სპეციალური სუნთქვის სისტემის გამოყენებით.

IHHT ინტერმიტენტული ჰიპოქსიურ-ჰიპეროქსიური ტრენინგი წარმოადგენს არაფარმაკოლოგიურ ინტერვენციას, რომელიც გულისხმობს ჰიპოქსიური ჰაერის (9–16% O₂) და ჰიპეროქსიური ჰაერის (30–36% O₂) მონაცვლე ციკლებით სუნთქვას სპეციალიზებული მოწყობილობის მეშვეობით. მეთოდი სიმულირებს მაღალ სიმაღლეზე ვარჯიშის ფიზიოლოგიურ პირობებს, შექმნილია გულ-სისხლძარღვთა და უჯრედული ადაპტაციური პასუხების სტიმულაციისთვის ფიზიკური ვარჯიშის საჭიროების გარეშე. ეს კონტროლირებადი სტიმული ააქტიურებს მიტოქონდრიას,ერითროპოეზს(სისხლის წითელი უჯრედების წარმოქმნას, ანგიოგენეზს(ახალი სისხლძარღვების ფორმირებას), ანტიოქსიდანტური ფერმენტების აქტივობის ზრდას, ენდოთელიური ფუნქციის გაუმჯობესებას და ანთებითი პროცესების მოდულაციას

თქვენ კომფორტულად ზიხართ გადასაწოლ სავარძელში , სპეციალური ნიღბით რომელიც მონაცვლეობით აწვდის ჰიპოქსიურ (9-16% O2)და ჰიპეროქსიურ (30-36% O2) ჰაერს. უსაფრთხოებისა და ოპტიმალური დოზირების უზრუნველსაყოფად, თქვენი ჟანგბადის სატურაცია მუდმივად კონტროლდება თითზე დამაგრებული პულსოქსიმეტრით.
სესია გრძელდება 40-დან 50 წუთამდე. ამ დროის განმავლობაში შეგიძლიათ იკითხოთ, მედიტაცია გააკეთოთ ან უბრალოდ დაისვენოთ.
ხანგრძლივი ეფექტისთვის უჯრედულ ჯანმრთელობასა და ფიზიკურ შესაძლებლობებზე, რეკომენდებულია 10–15 სესია, კვირაში ორ-სამჯერ.



IHHT არ არის რეკომენდებული მწვავე რესპირატორული ინფექციების, მწვავე ფილტვის დაავადებების ან ცხელების მქონე პირებისთვის.

წითელი სინათლის თერაპია (ფოტობიომოდულაცია) იყენებს წითელი და ახლო ინფრაწითელი სინათლის სპეციფიკურ ტალღის სიგრძეებს, რომლებიც აღწევს კანში და ასტიმულირებს უჯრედული ენერგიის გამომუშავებას. ეს პროცესი უჯრედულ დონეზე ხელს უწყობს ორგანიზმის ბუნებრივ აღდგენისა და რეგენერაციის მექანიზმებს.

როდესაც სინათლე აღწევს მიტოქონდრიამდე — უჯრედების „ენერგეტიკულ ცენტრამდე" — ის ზრდის ATP-ის (უჯრედული ენერგიის) გამომუშავებას. გაზრდილი უჯრედული ენერგია ორგანიზმს საშუალებას აძლევს უფრო ეფექტურად აღადგინოს ქსოვილები, შეამციროს ანთება, გააუმჯობესოს სისხლის მიმოქცევა და ასტიმულიროს კოლაგენის სინთეზი.

თქვენ კომფორტულად დგახართ ან ზიხართ ორ წითელი სინათლის პანელს შორის 7-10 წუთის განმავლობაში. სინათლე შეიწოვება მიტოქონდრიაში არსებული ციტოქრომ-C ოქსიდაზას მიერ და გარდაიქმნება ATP-ად. გაზრდილი უჯრედული ენერგია ააქტიურებს ქსოვილების აღდგენას, ამცირებს ანთებას და ასტიმულირებს კოლაგენის სინთეზს. რეკომენდებულია კვირაში 3–5 სესია, სულ 10–15 სესია, შემდეგ კი ყოველკვირეული შენარჩუნება.

ეპიგენეტიკური ტესტი ზომავს დნმ-ის მეთილაციის სურათს 900,000-ზე მეტ გენომის მონაკვეთზე, რათა გამოთვალოს ბიოლოგიური ასაკი - რაც არის პირდაპირი საზომი იმისა, თუ რამდენად სწრაფად ბერდება თქვენი უჯრედები, თქვენი ქრონოლოგიური ასაკისგან დამოუკიდებლად. ბიოლოგიური ასაკი დღესდღეობით კლინიკურ მედიცინაში მიჩნეულია ასაკთან ასოცირებული დაავადებების, ფუნქციური დაქვეითებისა და სიკვდილიანობის ერთ-ერთ ყველაზე ძლიერ პროგნოზირებად ფაქტორად

სისხლის მცირე ნიმუში იღება Longevity One-ის კლინიკაში და იგზავნება აშშ-ის აკრედიტებულ ლაბორატორიაში. თქვენი დნმ ანალიზდება ახალი თაობის სეკვენირების მეშვეობით, ხოლო მეთილაციის სურათი შედარებულია ვალიდირებულ ეპიგენეტიკურ საათებთან ბიოლოგიური ასაკის სხვადასხვა მაჩვენებლის გამოსათვლელად.
შედეგები 4-6 კვირაში. ხელახალი ტესტი შესაძლებელია გაკეთდეს 6-12 თვეში.

AI-ზე დაფუძნებული მიკრობიომის ანალიზი იყენებს მეტაგენომურ სექვენირებას 600-ზე მეტი ბაქტერიის, სოკოს და არქეას სახეობის იდენტიფიცირებისა და რაოდენობრივი შეფასებისთვის.

1. ნიმუშის აღება
აიღეთ მარტივი განავლის ნიმუში სპეციალური ტესტ-კიტის გამოყენებით.

2. მიკრობიომის ანალიზი
ლაბორატორია აანალიზებს თქვენი ნაწლავის მიკრობიომის შემადგენლობას თანამედროვე გენეტიკური ტექნოლოგიებით.

3. AI-ზე დაფუძნებული შეფასება
ხელოვნური ინტელექტი აფასებს თქვენს მიკრობიომს და ადგენს ინდივიდუალურ პროფილს.

4. პერსონალიზებული რეკომენდაციები
მიიღეთ თქვენზე მორგებული კვების, პრებიოტიკებისა და პრობიოტიკების რეკომენდაციები ნაწლავის ჯანმრთელობის ოპტიმიზაციისთვის.